終於的起心肝打番段野
新年其實冇咩值得快樂, 所以就唔祝大家新年快樂了
首先多謝兩個禮拜前大家既生日祝福
如果我條命有75歲, 咁其實我已經過左人生既3份之1
話長唔長話短唔短, 都有4份1個世紀
如果要作一個結論, 我會覺得呢3份1既人生係失敗的
冇咩特別既事, 冇咩作為, 冇咩成就, 冇咩朋友
2012年尾, 我終於搵到一份比較似樣少少既工
2013年, 我希望由呢份工開始, 開始我第2個既3份之1
以前既, 舊既, 冇既, 算! 唔要! 唔再心掛掛, 全部抹晒佢!
以一份新工作為一個新開始, 由頭黎過, 由頭搵過
俾一個理由自己又好, 俾一個藉口自己都好…
今年開始真係要/想努力! 振作! 加油!
曾經決定左既野, 冇做到, 曾經決心想要去改既野, 冇改到,
今年真係要的起心肝, 要做既就做, 要改既就改, 要追既就追, 要搵既就搵
加油! 加油! 加油!
頭先有好多感想, 而家突然唔知由邊度講起好
fb既status係好, 係可以抒發我突然間彈出黎既一d諗法
但如果要長篇大論的話, 還是要xg哦~
這裏可是一個對外公開, 而又從來沒有人進來看的空間
真係唔知係好定唔好了
廿幾歲喇, 要大個喇
我成日都咁同自己講
做野要成熟d…至少做俾人睇都要…
但係…
今次…都係o個句, 其實我都係想乜乜乜好姐
不過…學阿麻話齋, 你自己點諗冇人知, 人地凈係會睇到你表面既意思
雖然我到呢一刻都仲未係好完全明白自己今次衰咩, 最多都係爆左大獲…反正就是夾在了中間…
聽落似係辯駁, 但係其實我出發點是好的吧! 是好的吧?
我也只是用自己的方法在做自己想做的事哦
問題就是處事, 說話 太不夠成熟了吧
被一個細自己幾年既人 好似訓話咁鬧
在我還是覺得自己是對的時候, 真係一肚氣
但係我真係好冷靜咁睇晒佢既指控, 睇左幾次, 睇左好多次
每一句我都諗…真係咩? 佢講緊既呢樣野我真係有咁咩?
到我清楚事件真的被我攪壞了以後
再重看每一句時, 我反思了…哦, 原來我之前做的甚麼甚麼事就引發了這樣的後果吧
被某人訓話其實很有趣, 雖然在反他時會覺得他也是在強詞奪理,
但當冷靜下來了, 卻發現他說的原來真的是有道理, 有point
這是我的表達+思考能力做不來的
佢可是我曾經諗過「如果可以有佢一半就好」的人哦
最後, 是今年的轉變嗎?
其實真的沒有發生過甚麼, 我還是我, 應該沒變
那變了的是甚麼, 是甚麼促使我變了?
想不通, 不是自嘲的說自己蠢,
而是真的完全get唔到你講既野係咩意思…真的蠢了
說來某人也真是一個神奇+神秘的人
雖然我也不知道這次他又做了甚麼…反正就是解決了事件吧
然後最後達成的, 也是我想要的
那麼…被人說不需要我, 不需要知道…也就沒所謂了吧
反正目的已經達成了
真的冇所謂嗎?
算了
感謝兩位壇主曾經對我的重用
像我這種人應該不可能以正常途徑做到這樣的位置吧
我也很高興曾達到過
不過可能, 真的有某些事令我改變了吧
轉換一下, 變回一個普通的會員也可能會是一件好事…吧
很多位, 感謝!!!
很多位, 對不起!!!
我記得唯一一次話你咁樣做係cheap, 應該係o係「o個陣」
之後我都細諗過, 咁樣並唔係cheap, 只係傻…極傻…
cheap既可能係佢la…唔知了…
成日都叫你唔好再固執落去, 可能係我唔甘心la
不過其實我咁樣都算係好固執…固執地想你唔好再固執落去
固執地想得你忘記佢, 固執地想你只想起我
固執地想得到你
上一篇文我在發脾氣, 打了很多很多好一時意氣既野
不過唔會收番…因為應該已經傳達了…
紀念又好, 點都好…就留番佢一條賤命吧
那一晚, 難得的失眠了 (算是吧)
明明很累, 明明已很晚睡, 而明天亦要很早起床
但就是睡不著, 整個腦子不停在轉, 在轉
想你, 想你, 想你的好, 想你的不好, 想你的事
最後一次張開眼, 天已半光了…也不知道自己睡了多久
但活還是要過的…工還是要作的…
空閒時就會想起…漸漸地好像不再介意了…或者是我希望自己別再介意
漸漸地又不想了, 漸漸地又忘記了
到今天, 還是去了你的地方, 看你打的東西
有一段時間我會覺得每篇最後的那一句是給我的…我希望那是給我的
但…原來不是…從來也不是…
看見你對twenty-ten的展望
看見你知道自己固執依然…但不會後悔
「不會後侮」
呼…好肯定的語氣!!!
我突然覺得…算了, 算吧! 一切都冇所謂了
我釋懷了-v-
真係好失望!!!
最失望唔係同唔到你一齊, 反正一早已經打左底做左心理準備
而係 你之前同我講「如果仲有就諗住話一齊」「唔想固執」
我真心以為你真係可以抽番個身出黎
之後你同我講「我平安夜又踩番落去嚕>3<」
睇多一次確定自己冇睇錯之後, 我真係O左了
但係冇咩過激既反應, 繼續埋頭打我既PSP
但係個心已經係度係咁諗 係咁諗
不過我真係冇事, 打呢篇野既時候我係笑笑口
唔知係恥笑緊你丫…定恥笑緊自己
當然, 我仍然係會俾好多好多既理由你, 將o個d理由俾番自己
等自己好過少少
今次我諗多左樣野, 我諗埋你既o個個「佢」
究竟佢既心態係點呢?
佢係咪仲係自己一個, 冇識過第二個呢?
如果係, 咁佢為左你獨身左咁多年, 又算唔算係愛呢?
如果係愛, 咁佢用左你個人咁耐, 但係又毫無表示, 又算係咩意思呢?
但假設佢已經有第二個喇喎, 但係仲同你keep住呢個關係喎
咁我可唔可以假設佢係一個賤到冇得再賤既賤男呢?
仲有咩呢? 係咁多先-3-
我咁講並唔會係因為我葡萄or妒忌, 我諗遇到同一case我都會咁諗
不過我自己都係仔, 仲要係餓到飢不擇食既毒男, 我點會唔明佢咩心態先?
有女送上門喎…有肥肉送到埋口喎…唔通唔食呀? 唔係唔食呀ma?
(sorry 雖然d用字好咩…不過係真心話, 亦都係事實)
你同我講「補番」, 可以「以身相許」
有時我真係會諗, 如果有得食我真係會食
不過到時我又可能會過唔到自己o個關
唉…好毒…
我唔知你睇緊既時候會唔會喊(我覺得你有機會會), or嬲到爆…
「屌, 排骨你咁樣睇我, 咁樣話我」
冇所謂, 若然可以令到你發覺自身既不足 而番番轉頭既話
咁我唔會介意做俾你憎o個個
不過…唉…
要鬧既, 要教既, 要話既, 係上次已經講晒
最後只可以送一個我岩岩諗起既四字真言俾你
「回頭是岸」
雖然你已經離岸好遠, 但係我覺得只要你真係想上返岸, 一定會上到囉
你而家鍾意繼續踩又好, 踩深d又好, 我冇得理, 亦都理唔到
不過若然你有一日想上番黎既時候, 請想起我
排骨係可能會係岸邊經過的 (係咪好玄呢XD)
唔好同我講咩no alternative, 那是我自己的問題
最後…真係最後了…
如果喜歡一個人就係想佢開心, 而如果你咁樣做係會開心的話
just go on, 放心去做吧, 我會支持你的[sosad]
唉…好想鋤琴…
2009年全年大事回顧
—完—
聽晚應該冇時間…所以今晚打打佢
08年12月31-09年1月1
係黃金part time中渡過左, 40蚊粒鐘, 好好pay 
1月16-17
X Japan Asia Tour Live in Hong Kong
除左有得睇好開心之外, 仲識左一大班志同道合既朋友
見番yoshiki, 可以現場聽Amethyst, 可以聽japan japan japan japan…repeat幾十次
真係好幸福^^
4月1-2
KTIVE 61936F Music in Motion 09開show
雖然冇得出場and冇得做後台, 不過能夠參與已經好好
4月14
隆威結婚
舊事真真正正過左去, 成班同學仔一齊見證隆威踏入人世另一階段
係教堂行婚禮, 好感動, 聽現場choir SATB, 好正!!!
5月27
一場Grad project攪起既drama「天才老鼠」XD, 全部由同學仔自己一手一腳攪掂
當晚開show, 全部人都至少客串一角, 好難忘
出左碟, 有興趣睇既朋友請隨便問我, 不過記住還
6月25
我畢業年份既Grad show…做學生做到我咁就真係
少少成果都冇, 有show都冇資格join
不過都要到場支持下各位同學仔
同埋有得睇現場fashion show
7月15
經由人事關係, 入左吉島類似遊樂場既MooRry Fantasy做
正式開始左我打工仔既生涯
8月20
人生中第二次Grad Din
雖然唔型, 不過都有裝下身先去
本Grad book真係好正, d相影得好靚, 好有紀念價值
11月25
因為「冇報名/唔記得報名」而冇得參加
我人生中另一個遺憾既IVE畢業典禮
(之前既遺憾應該係蔣生事件 同埋何卓卓…)
12月12
MF同事神神祕祕地 竟然同我同另一同事慶祝生日
阿姐又非常配合地無lala搵d野俾我地兩個做黎洗開我地
係office入面唱生日歌, 影相相, 食蛋糕…真係好多年冇試過
好多謝咁多位, 雖然識左真係唔係好耐…三個月到
但係大家俾左一個好難忘, &久違左好耐既生日我
真心感激
記得上年(定前年), 收左珍尼花同mandy既一隻杯做生日禮物
今年就收到阿旦送俾我既yellow heart鎖匙扣
唔係咩貴重野(不過應該幾貴= =), 但係物輕情義重
我真係估唔到會有人送生日禮物俾我
(話說呢幾年都係自己送禮物俾自己 T^T)
o個一刻我雖然都係冇咩反應, 但係我確實真係好開心, 好感動
多謝你, 阿旦!!!
其他唔記得時間既重要事項
MJ死左, 雖然唔算係死忠fans, 不過都算係一個歌迷仔
睇左「This is it」, 真係覺得個show攪唔成真係一個好大既遺憾
又一粒巨星在地球上消失, 係一粒無人可以取代到既巨星
感情方面
今年經歷左一個幾特別傷心既時刻
知道自己鍾意既人係人地ex既SPecial, 係我覺得最hurt, 最想死既一刻
幸好我是很容易放得低的人(外表)
多年來既生日願望仲未實現到, 革命亦尚未成功
不過年尾好似又有d轉機…
希望10年可以願望成真, 革命亦可以成功la, 阿們!!!
頂, 原來自己嚇自己
隻「殺意阿達2」日版都要23號先出
早極都要幾日前先有rom la
不過有另一驚嚇既係…
原本話凈係會出三集既「雷頓教授」系列
竟然出左阿四集 「雷頓教援與魔神之笛」
話說因為我張R4冇update version, 所以有d新game係玩唔到
陸行鳥2係一例, 但已攪掂左 (買左正版特別版)
對戰內容冇晒 完全冇心機玩落去
其二係「雷頓教授」既第三作…即我以為係尾作既「最後的時間旅行」
又係玩唔到…我仲等緊佢隻正版趺價or有人放二手架喎…
而家無lala又彈隻第四集出黎…好明顯係「LEVEL5」食正條水, 冇理由唔食落去la
而家down緊隻第四…希望玩到la…
如果唔係 等第三集又要等埋第四集…
兩隻加埋都幾「那利」= =
估唔到再一次既登入xanga係為左留言
話說我表妹信左耶記唔夠幾個月就受浸…我真係O晒咀
我記得我d耶青同學講過話要有番咁上下年資, 神父俾你浸你先可以浸
登入左就順便上黎打打野la
今日放工無lala走左入7仔, 無lala拎起左本gamewave黎睇
無lala睇到NDS出左「殺意阿達2」, 無lala又睇到小P出左好鬼多正game
即刻想用召喚咒召番部DS番黎
小P又係, 出「GVG NP」, 又出狐忍
仲要出過場既人都有得用, 六道又有, 仙人mode又有
仙術又有, 「蛇」都有…最驚既係藥師兜-大蛇丸憑依版 都有…
唔玩點得呀救命= =
真係想我點? 係咪想我唔訓覺? 想我機不離手?
想我起唔到身返工遲到, 想我返工冇精神俾人鬧
想我放假late係屋企打機做毒男…etc?
召番部DS之後會極速玩左隻「殺意阿達2」先
(其實都有可能玩唔到…如果真係…真係唔知開心好定唔開心好…)
GVG同狐忍就慢慢黎都得…
下年呀……..wii會出「super mario galaxy 2」呀頂你
救命呀……………………………………………….
呼…………
咳…咳咳…咳咳咳咳咳……
嘩 小…好x大塵
原本以為幾個月冇上…原來一個月都未夠…
仲有幾日就夠試用期
其實已經遲到過3次…雖然有次半係唔係好關我事
不過未過試用期已經收warning letter真係好唔老黎
好彩有個friendly上司出手幫我禁住先
試用期完之前唔再遲到就唔會出
近排狂煲yoshiki隻anniversary
原本前排睇番”咪咪”o個陣有一刻想練鬥琴3
不過練練下anniversary又愈練愈有feel…有feel到一日唔彈下就唔聚財咁
瘋狂程度同當年睇完long vacation之後狂練難版close to you有得比
之後無lala又諗番起好似yr3 o個陣上隆威堂
摟幾個8級一齊練「超技」第一版
好鬼好笑…難彈到飛起…彈極都係彈到3-4成度…
彈左唔夠一個禮拜就已經冇心機彈落去
睇番當年yoshiki第一次出anniversary俾天皇賀生日段片
原來正正係10年前既11月10 (唔知段片個日期arm唔arm…)
有衝動想彈得好好睇睇…錄番段片放上youtube紀念下佢
不過1 take過應該冇乜可能…到時可能要靠window movie maker幫下手
睇左「5條大路通陰間」…係以5個鬼故串連既鬼片
頭4個都幾驚嚇…唔係d鬼好恐怖o個隻驚嚇
係你估佢唔到o個陣突然間彈出黎o個隻…
第到第3個故事已經有少少頂唔順…心跳有少少加速
如果我有心臟病應該未睇完第3個故事已經死左
最後一段「鬼咁好戲」
一樣咁多驚嚇位…但係真係超超超超超好笑
係好笑到全場一齊爆笑…笑到拍晒手掌o個陣
如果頭4段係嚇到你既心情趺到落谷底
最後一段就令到你回復正常
行到出戲院門口我仲笑緊囉唔該…
如果要用一句金句黎表達…就一定係「苦盡甘來」
你頂得住頭4段…最尾你一定會覺得抵睇
大家快d睇la^^
Recent Comments