襯typhoon同阿man兩位人兄未飛之前既最後一日假約食飯
去左MK家樂坊CPK食...唔錯...仲要俾預計中平
再見應該係一年後嚕

由於有人趕住走既關係, 3點鐘散左
我就 向尖咀出發
第一站係尖咀商務, 目標"MISS BLOG 麥斯部落"
真係好想睇miss wen本爆呂明祕屎既書
可惜太舊, 應該全線冇貨...仲要冇得再番貨
遺憾
但係又俾我撞番兩本曾經好想買又冇買既書
內心掙扎左一輪之後 買左
空想科學 讀本．．．$80
空想科學 讀本2．．．$83

第二站係尖咀tom lee
原本係想搵"blue撚梳打咪咪"本官方譜既
又係曾經想買黎儲但係冇買到
(因為出左糧所以係咁買野 / )
但係竟然冇..................
臨想走之濟...見到藍奕邦隻"潮騷"(2006) 廿蚊有交易
仲要好似有親筆簽名(隻隻唔同架)tim...
毫不猶疑地揀左最靚o個隻俾錢走人

第三站係尖咀HMV
目標係法國電影"歌聲伴我心"隻soundtrack
今次終於搵到, 仲要超快地搵到．．．$160
幾貴...不過真係鍾意...頭先講o個d真係買唔買都得
lee隻碟我真係想買好耐...
點知我想走期間...出面落晒狗屎仲要超大舊
本人被迫濟留左係HMV入面無聊閒逛...有少少意外收獲

竟然俾我見到經典正碟"雪狼湖"原聲大碟雙CD都係賣$165
話時話隻碟都出左超過十年...估唔到會係咁既情況下重遇
HMV雖然真係比市價貴d, 但係佢真係貴得有佢既道理
唔講新碟, 無論幾舊既碟...我諗你講得出佢都有
冇既話都可以訂...i think
就以我隻碟為例...我諗出面真係絕對搵唔到...翻版都難
HMV仲要係絕對正版...最多係台版美版, 但都算係正版

濟留左大半個鐘之後, 襯d狗屎冇咁大舊就快快步行去搭260x返屋企

快快手講下近況

今日去左動漫, 總數用左$565, 超出左少少預算
發生左件柒事, 全身得番張500蚊紙, 點知買飛o個度唔收500
好彩同朱生一齊去, 佢識人帶我地入場
買左頂巧令令巧可愛既索柏帽
made in taiwan, 唔係大陸野...巧開針

人事關係, 係吉島求其搵到份工做住先
份糧armarm好夠養得起自己
係康山train左半個月, 聽日起向荔枝角進發

最後...部機shortshort地間唔中開唔到機我都冇咩問題
今日一開...msn全部人冇晒...
好想死...想喊...

假如我是哈利波特:

可以牽你嗎? 可以親你嗎?
可以讓我緊緊的抱住你嗎?
可以讓我的世界只有你嗎?
可以讓我呼吸的每一口氣都是你的味道嗎?...

好想寫「哈利+金妮」既同人文sosad
還記得第一次看完第七集大結局之後
決心要寫一篇決鬥後至結婚之間
小說中沒有交代的劇情...當然還包括那些色色的事XD

看到校長死的那一段還是會覺得悲傷
已經是第二次了, 感覺還是很強烈
記得我第二次看the last live時的感覺已沒有第一次那麼強烈
雖然已知道劇情了, 知道內容了
但看到那一段時, 還是不禁以極快的速度閱讀著
夜了, 累了, 明知可以留到明天睡醒再看...反正已看過了
但還是瘋狂的閱讀著, 直至看到最後才覺得完滿

哦...對了...關敏熙小姐, 我想說
你與我心目中金妮的形象很相近
是的...對...我覺得你很像她...哈哈
(今篇唔知點解用左書面語= =)

有幾耐冇上過黎呢?

以前打xg, 可能係因為新鮮感
從細到大都冇寫日記既習慣
難得地可以上網打日記, 免卻左寫字既時間
但係唔知由幾時開始
打xg變左一種責任, 當變成一種責任既時候
就令我有想逃避既感覺

就例如以前曾經好熱中一個forum, 每日都會上去
但係「每日上去」慢慢變到好似責任咁之後
熱誠就會慢慢減退, 慢慢變得厭惡

(以下內容含劇透, 冇睇過小說而又會睇戲既朋友請停止)

今次突然的起心肝上黎打xg
監於哈利波波7月15號終於上
所以問阿e借番本小說黎煲番
第六集"混血王子的背叛"
係七集以黎, 唯一一集主要劇情係圍繞住「愛情」
哈利+金妮, 榮恩+文妲．布朗, 榮恩+妙麗

最初選角o個陣, 小說都凈係出到唔知第二定第三集
當時大家都唔會估到故事劇情會係咁發展落去
最初我咁諗o個陣, 凈係諗到金妮
但係後尾我諗清楚, 如果話金妮估唔到既話, 咁文妲．布朗更加唔會估到
話晒金妮都算係「第二男主角既妹妹」
文妲．布朗卻只係「同學」一名
但係係第六集既其中一張poster入面竟然成為要角
而且造型仲要係...怪怪的...
我心諗, 選角o個陣揀左做其他女同學既女仔一定心痛死sosad

講開女, 我真係忍唔住要重提一次露娜．羅古德
記得睇第五集小說o個陣 形容佢係一個好怪既女仔
之後入戲院睇"鳳凰會的密令"...我真係O晒嘴
痴線, 同我印象入面既露娜完全唔同...勁可愛
不同於一般鬼妹, 白金色既頭髮, 個樣又靚喎
真係...又係估佢唔到...XD

序章

初次認識盧祝君, 是在二零零六年觀塘艾菲舉辦的歌唱比賽中,
在開始前, 在場刊中早已留意了這個名字, 因覺得此名字頗為特別

出場了, 第一個印象應該係...幾得喎!
仲記得你唱既歌, 係胡琳既綠野聲縱
o個次係我第一次聽o個隻歌, 亦係我第一次聽你唱歌

雖然已經係兩年多前既事, 但係腦海入面好似仲記得你係台上面既樣
你既神態, 你既演繹, 係幾咁泰然自若
整個舞台就像是你的世界, 就像早已習慣成為焦點的感覺
唱得是多麼的奔放, 多麼的盡情
把你的技巧, 你的聲線, 你對歌曲的認識, 發揮得淋漓盡致

其實整體記憶已很模糊了
只記得你在無甚特別的參賽者, 無甚特別的場合裹
理所當然地得到了冠軍...那註定是你的了
在你唱完的那一刻 已肯定你就是冠軍...最後當然成真了

比賽結束, 觀眾魚貫離場
在人群中往山下走去的我, 心中想著的是剛才的那一刻感動
盧祝君, 真的很有意思...(如果可以識到佢就好嚕)
憧憬著下一次的再遇

原本想著下次應該是下一年的歌唱比賽
想不到, 再遇卻是來得快, 而更接近...

今日係X Japan M群meeting
出到去MK先知咁大單野
好彩既係 條友4點9掟野, 我地5點9到先行到去o個便
我地仲要係兆萬食...差半條街...

今次meeting算多人, 十二個...六男六女
排骨 旦 手指 田比 J仔 cyrus
小v s君 sumsum michelle 麻 三姑
好可惜喪妮因為冇錢黎唔到, 攪到餃子又唔黎
不過見到好多未見過既面孔^^

原本想book青葉, 不過冇位, 所以最後book左「五月天」(五月花)
都ok丫, 我地坐係最入最入既角落, 一張好似vip房咁既大 木台
不過好叉麻煩...坐最入o個d如果要去廁所就要成行起身讓路

野食ok la, 同青葉差唔多, 野飲就得可樂七喜+青蘋果綠茶...個個都狂隊...
同埋今次meeting最主要既目的就係分「裝」
多謝三姑幫我地係tokyo dome live買野, 所以出黎食飯順便分野

頂你, 件Tee B真係好靚...靚過Tee A.../3
不過o個陣冇錢...冇計...有錢我一定要買番 /
本場刊...都好正la
封面冇乜特別, 閃銀, 一個大x logo
不過入面d圖真係幾正既^^

最後...多謝阿旦!!!^^

今日又係學校排完drama
排完食埋野搭到車返黎都已經12點幾
真係好攰好攰, 成日都冇力, 又熱

沖完涼, 開左冷氣, 開電腦, 聽住EMII, 食住雪條
無意向地hea
睇左一陣無聊野...諗起save低左「兄弟」之後原來仲未睇過
所以就開左黎睇

序, 一至五章, 後記
今日凈係睇到第三章
我覺得我突然對hide好似了解左好多
可能我一直都冇咩特別留意佢
hide對我黎講只係「x japan既一員」, 係一個遺憾
但係睇完裕士對佢哥哥既回憶片後之後...
我突然間覺得想再深入d去了解呢個人
就好似我第一次接觸x咁

記得第一個上既網係「x毒」made by 三姑&迷離
係隊員介紹o個度有晒佢地六個人好詳細既記載
慢慢咁, 專心咁睇晒之後...
我覺得了解佢地多左, 聽佢地既歌既時候就更加投入左

而家都係咁...好想深入d去了解下hide
係之前, 我凈係聽過rocket dive, tell me, ever free
好似試過聽其他歌, 不過o個種style唔係我鍾意o個類黎
不過而家 就係想去聽下...

會唔會有一日, 我都會俾佢既性格吸引住...
做左我口中所謂既「瘋狂fans」呢?!

2009年5月2日 hide 11回忌
明明諗住訓之前要打xg...之後都係唔記得...好衰...

hide, 你在天國好嗎?^^

聽左x既新歌...Jade
冇x既歌feel, 但係好有yoshiki既歌既feel
同之前既blue sky heaven感覺相像
又似art of life + IV

點都好...x總算又有新歌
期待CD ^^

我的xg哦...很久沒來見你了...
有掛念我嗎?

今日係某m群發左老脾
事緣係某絲士打同佢老母嘈交, 之後係度講
咁我個人既性格係希望可以以心平氣和既方法解決件事
不過其他人就係咁講佢地老母點衰, 如果係我一定會點會點
我覺得佢地冇諗過平息件事...仲加火加油...
所以發老脾打左段野就冇理

後尾睇番佢地之後講既野
某人講既野點醒左我
我成日都諗住點樣可以令佢明白佢老母
但係忘記左 俾佢講, 俾佢同fd發洩下...都係可以令佢好過d
我諗...係同我性格有關

由細到大, 我老母係硬, 我老豆係軟 (但係一硬就好恐怖o個隻)
每次有咩大事 (偷錢, 做錯野, 成績勁差)
我老母大大力咁小完我之後, 我老豆一定會勁心平氣和咁同我講野
佢係平淡得黎 但係好有威嚴o個隻
我真係唔會敢唔聽佢講
同埋佢咁同我講, 會俾我老母鬧我 黎得更令我信服

可能係成長環境問題...我真係冇乜機會會用「鬧」黎發洩
我凈係記得小學試過好嬲好嬲好嬲咁狂鬧左我表弟一陣
但係唔知點解我鬧人o個陣我會喊...狂標眼水...
後黎我就好少再鬧人...每次唔開心...
彈下琴, 打下xg (未有xg前有個叫新聞台既網)...之後就冇事...
係我以為自己冇事囉, 其實就只係將件事放左係心底...
久而久之, 我真係覺得自己好自閉
我唔係好識同人表達自己既真感受...
對住朋友, 我好少black face, 多數笑or唔出聲
就算我best fd做左d令我勁失望既事, 就算我幾唔開心...
我都當冇事, 將件事放係心底算...
可能...係因為我驚會失去左d朋友

曾經我有諗過...彈琴係我唯一可以發洩到唔開心既地方
如果有一日touchwood我唔可以再彈琴 (or彈唔到)...可能我會生存唔到落去
而家我唔係咁睇...
若果終有一日我冇得再用「彈琴」黎做「發洩」既藉口...
唔知我會唔會變得率直d呢?
我可唔可以好直接咁向人地表達我自己既感受呢?

再講...其實我已經好少練琴...
所以其實冇關係喇...由頭到尾都係我性格既問題
好想改變...好想成為講野可以大大聲...
有主見, 受人歡迎既人...
好想有勇氣向所有鍾意既人面對面講「鍾意你」
食完檸檬之後可以笑笑口講一句「唔緊要」

好似愈講愈離題, 就此完結

http://carson-chung.blogspot.com/2008/08/blog-post.html

英式廣東話

香港人口中常用的一些廣東話形容詞和動詞，
其實是源自英文，
今次舉十個常見例子：

10. 派頭：Pride（自豪、威風）
70年代，流行講「派頭」這個形容詞，
即是「講派場、有威勢、夠舖張」的正面稱讚。
「派頭」來自英文「Pride」。
例句：「佢哋結婚，飛去法國古堡舉行婚禮，仲包埋所有親友機票食宿，真係夠哂派頭！」

9. 疴畢甩：疴blood（疴血）
如果遇上麻煩、辣手難題、或者死路一條，
就會自嘆一句：「呢一鑊真係疴畢甩！」
「畢甩」來自英文「blood」，
在腸癌橫行的今天，「疴血」都咪話唔大鑊！
例句：「吓？你架Civic仔撞爛人哋架法拉利？你今次真係疴畢甩！」

8. 蛇quare：Scare（驚嚇、恐懼）
「蛇quare」形容人「騰雞，無膽，大驚少怪」，
「蛇quare」來自英文「Scare」，
例句：「你唔好咁蛇quare啦！乜都自己嚇自己一餐！」

7. 仆街：Poor guy（粗劣的人）
「仆街」經常被人誤以為是「動詞」：咀咒對方「仆喺條街度！」
其實「仆街」是名詞，來自英文的「Poor guy」。
「Poor」不是「貧窮」的意思，而是「粗劣、低俗、破爛」的意思。
例句：「呢條友連80歲啊婆沖涼都裝！正一仆街！」

6. 薯嘜：Schmuck（笨人）
讚人叻仔就話佢smart，但係彈人蠢鈍就叫佢「薯嘜」！
薯嘜並非源於「蕃薯的嘜頭」，「薯嘜」來自英文「Schmuck」，
除了形容愚笨之外，也可應用在老土的衣著上。
例句：「嘩！乜你仲著「大地牌」冷衫？咁薯嘜架！」

5. 花臣：Fashion（新款式）
80年代，一講到「花臣」，就是指新的gimmick（噱頭）。
即是「新招數、新花款、新點子」，
「花臣」來自英文「Fashion」，
例句：「哼！黔驢技窮！睇你仲有乜嘢新花臣吖？！」

4. 蝦碌：Hard Luck（惡運倒霉）
蝦碌泛指拍電影時的NG片段，所謂「蝦碌鏡頭」，
現實生活裏，蝦碌指忙中有錯，掛萬漏一，失之交臂。
「蝦碌」來自英文「Hard Luck」，行衰運所以蝦碌！
例句：「唔好意思，一時蝦碌，將你個master file delete咗！你要重新再打過呀！」

3. 老粒：Rob（搶劫）
90年代初，流行講「老粒」，即是搶劫。
「老粒」並非指一粒很老的東西，
「老粒」來自英文「Rob」，
例句：「咪郁！老粒呀！快啲攞哂啲錢出嚟，唔係一刀捅瓜你！」

2. 符碌：Fluke（棒球術語：僥倖擊中）
「符碌」指不靠實際能力，幸運地達成目標、純粹僥倖彩數。
「符碌」來自英文「Fluke」，
是但馬虎，隨便求其，但又能幸運地完成艱鉅任務。
例句：「臨尾一Q，俾佢符符碌碌咁打埋個黑柴入尾袋添！」

1. 唱錢：Change（貨幣找換）
當要使用另一個國家的貨幣，便要去找換店「唱錢」，
「唱啲美金」、「唱啲英磅」、「唱啲人民幣」，
「唱錢」來自英文「Change」（日語叫兩替店），
例句：「下個禮拜去倫敦旅行，而家趁英磅平，唱定啲錢先！」

同場加演

1. Okay來自「All Correct」。

2. Goodbye來自中世紀英國人跟朋友話別時說：「God be with you！」。

3. CAMP（KAMP）指男人娘娘腔，源於英國警方掃蕩街上的同性戀男妓，
控告男妓的罪名為：「Know as Male Prostitute」，簡稱「KAMP」，後來慢慢演變成「CAMP」。

4. 廣東話中港幣量詞（元）：又簡「蚊」，「蚊」其實來自英文Money 中的「Mon」。

5. 問：小童到幾多歲後，才可稱為Teenager（青少年）？
答：13歲，因為英文Eleven（11）、Twelve（12）、Thirteen（13 ThirTEEN）。

6. 汽車泊車的「泊」字，來自Parking中的「Park」。

7. 形容靚女的「索」來自「Sharp」（明艷奪目），「條女好索！」＝「條女好Sharp！」

8. Heaven (天堂)這一片天上樂土，來至「Have Fun」。

9. Happiness (快樂)是來至「Have penis」，放諸男女身上均可成立。

10. 臨時演員叫「茄呢啡」，來至「Carefree」這些演員不需太注重。

以上部份內容未經作者認真考究，只是我對住部電腦monitor勉強穿鑿附會，
有些作、有些抄、有些甚至亂吹一通！
如果閣下英文程度高超，而你又一個唔好彩，時運低咁啱睇到本文，
令閣下搖頭嘆息的話，
本人深感鎖你（Sorry）！

完